وانا مالي

موضوع: وانا مالي الإثنين 07 سبتمبر 2009, 4:56 am

السلام عليكم ورحمه الله وبركاته
انا هقول كلميتن كده موجودين ف الجتمع العربي ويارب نطلع بفايده يارب

دايما بنقول الكلمه دي[ وانا مالي ادخل نفسي ليه ]

بجد احنا بقينا مبنخافش علي بعض بقا كل واحد همه علي نفسه وبس

سيطرت علينا المصالح الشخصيه والهموم

وبقينا مبنخافش علي بعض
لو دلوقتي واحد شاف اتين بيتخانقوا مع بعض ميروحش يهدي بينهم
لا يقول وانا مالي انا ايه يخليني ادخل اصلا

الاسلام محسناش علي كده
الاسلام حسنا ان يكون قلوبنا علي بعض اننا نحب بعض

للدرجادي عرف الشيطان يخلينا منحبش بعض ويخلينا نشوف الغلط ونقول عليه مش غلط

كتير اوي مننا بيحلل الغلط ويقول ده صح
كتير بيقول انا مليش دعوه

بجد فيه ناس فينا راحت منها النخوه
لما يشوف راجل كبير او ست كبيره واقفه ف الاوتوبيس وهو قاعد
ويقول انا مالي اقوم ليه ليه ميفضل واقف

مش كل الناس كده بس فيه ناس كتير بقت كده
بقوا يقولوا وانا مالي علي طول

وانا مالي بقت كلمه علي لسان ناس كتير
دا حتي فلسطين اللي بيجرا ليها
فيه زعماء قالوا وانا مالي داشعبي عايش عيشه سعيده يبقي ليه ادخله ف مشاكل

واضح اننا نسينا اننا عرب ومسلمين
نسينا ان سيدنا ابي بكر الصديق حرر عدد كبير من العبيد بعد ما اتعذبوا
سيدنا ابي بكر الصديق مش قال انا مالي لا راح وساهم ف تحرير العبيد

نسينا ان سيدنا علي ابن ابي طالب نام في فراش الرسول الكريم [ص]
والمشكرين بره ع الباب
مش قال انا مالي مخافش علي حياته

واضح اننا نسينا كل حاجه حلوه

يارب نعدل من نفسنا شويه
والي شايف نفسه بيقول وانا مالي كتير يحاول ينساها
يحاول يعرف انه ماله وليه ف كل حاجه
وبجد دا مش فضول دا خوف علي اخوك
يارب اكون مش طولت عليكوا

والله ولي التوفيق

موضوع: رد: وانا مالي الإثنين 07 سبتمبر 2009, 5:54 pm

تسلم ايديك يا احمد على الكلام الحلو ده
ربنا يهدى جميع المسلمين

والله ده حال واقعنا
الله يغير حالهم
ويهديهم
مشكور على موضوعك الرائع
يعطيك العافيه

» احس بمتعه رااااااااااااااااااااااااااااا ائعه وانا اصلي