من همس القوافى

احبك لو يموت الحب وتصير القلوب قبور
احبك كلمة لو حرموها حل تفكيري !
احبك من هنا حتى طلوع الفجر حد النور..
صحيح انك قدر محتوم بس اجمل مقاديري !
احد ربي يحطك له حبيب ومايجيه غرور ؟!
وانا مهما منحتك من غلاي اشعر بتقصيري !
ولوطالت مشاوير الطريق المظلم المهجور
انا لامن ذكرتك قلت احبك يامشاويري !
(مساعد الرشيدي)

تجين نقفل أبواب الفراق ونبلع المفتاح ؟!!
بعد مانسترد اللي من أحلام الوصل فاتك !
تجين نغمض عيون القلوب ونتبع الارواح..
وأراهن شمسك اني لأزور أبعد مداراتك !
تجين نعد كم نجم تعثر في سناك وطاح..
وكم بدر تمنى لو قباله مثل تقفاتك !
وتجين نشاور أهداب السحاب اللي عجز يرتاح
يحسب الصبح نور الشمس وهو ظلال وجناتك!
(عبدالمحسن بن سعيد)